Cinîyanê ke qedexeyê 8ê Adare yê Walîtîya Îstanbulî nas nêkerd semedê tewrbîyayîşê Rayraşîyayîşê Şewe yê Femînîstî verê xo da Taksîmî û rixmê astengkerdişê polîsan çalakîya xo ya 20. kerde.

Cinîyanê ke barîkatî rijnayî û rayra şiyî vat ''No serewedaritiş do çirey nêqedîyo.''Polîsan saetanê rewî ra heme rayîr û kuçeyê ke vejîyenê Taksîmî qefilnayî, videnrtişê metrayan ê Taksîm û Şîşhaneyî ameyî astengkerdene.

Cinîyê ke Kuçeyê Siraselvilerî  de ameyî têhet hetê polîsan ra ameyî astengkerdene. Cinîyan seba ke caardişê keyfîyî qebulnêkerdî raştê hêrişê polîsan ameyî. Cinîyan bi sloganan cewabê hêrişan da rayraşîyayîşê xo rê dewam kerd.

Cinîyan Beyoglu de bi nameyê Platformê 8ê Adare eşkerayîye daye. Cinîyan ard ziwan ke ê têna pîrozkerdişê na roje wedaritişê zextanê vera cinîyan nêwazenê û vat çimê înan ho tede ke dinya bibedilnê. Cinîyan vat: ''Heta ronayîşê dinyayêka femînîste nê kuçeyan de do serewedaritiş û têkoşînê ma meqedîyo.''