Înîsîyatîfê Mayanê Haştîye yê Îstanbulî tepiştişê edamanê MEBYA-DERî  Meryeme Soylu û Hatune Aslan ê ke serrê înan nizdê 80yî yê şermezar kerd.

Mayanê Haştîye banê HDPyî yê Bagcilar de eşkerayîye daye. Eşkerayîye hetê Gulere Bugdayci ra ameye dayene.

 Bugdayci ard ziwan ke 20 serrî yo mucadeleyê haştîye rayra benê û vat: ''Ma sey mayan pê bawerê ke do haştîye bêro û semedê nayî ma mucadele kenê. Şer yeno manaya hesranê dayîkan. Şer yeno manaya zext û qirkerdişê vera cinîyan. Coka mayî haştîye wazenê. Serrê Soylu û Aslane ke ameyî tepiştene 70yî ra zafêr ê. Seba ke nê mayan haştîye waşte ewro zîndan de yê. Nê rojanê ke nêweşîye wina zaf vila bîya, destûr nêdîyeno wa kes keyeyê xo ra vejîyo teberd de di mayî ameyî tepiştene. Ma wazenê ke wird mayê ke zaf nêweşîyê înan zî estî, wa cade bêrê veradayene. Ma nê zîhnîyetî lanet kenê û veng danê ke heme kesê wayîrê vîjdanî wa bibê vengê ma.''