27ê sibate de 14 kesî Amed de ameybî destbendkerdene. Endamê Komeleya Kultur, Yewîye, Paştdayîş û Hetkarîye ya bi Keyeyanê ke Dergûşê Medenîyetan de Merdimê Xo Vînî Kerdî (MEBYA-DER)  Meryeme Soyluya 79 serrî, Hatûne Aslana 71 serrî û Îdarekarê HDPyî yê Rêzanî Fethullah Işik seba îfade erşawîyayî dozgerîye. Meryeme Soylu û Hatûne Aslan dima ke îfade da bi îdîaya 'endamîya rêxistine' sewqê mehkeme bîyî û tepişîyayî. Işık pê şertê kontrolê edlîyî vera dîya.

Hemserekê MEBYA-DERî Şeyhmus Karadag û Yuksel Almas, endam û îdarekarî Zekî Dag û Ayşe Çelîkbîlek, Îdarekarê DBPyî yê Amedî Hatîce Guneş, Îdarekarê DBPyî yê Rêzanî Tahîr Gul, Hemsereka HDPyî ya Kayapinarî Hanime Altindag, Îdarekaro verên ê HDPyî Murat Uzgun, Îdarekaro verên ê HDPyî Hafiz Işik, Îdarekarê MEBYA-DERî Muzaffer Ulaş pê waştişê dergkerdişê wextê destbendkerdişî ameyî berdene bi dozgerîye û wextê destbendkerdişê înan qasê 24 saetan ame dergkerdene.