Îtalya de xebatê Jîneolojî yê ke di serrî yo dewam kenê kampêk de ameyî destgirewene. Kamp a ke  48 cinîyê Îtalyan tewrê ci bîyî de derheqê xeylî babetan de perwerdeyî û munaqeşeyî ameyî kerdene.

Îtalya de hetê Komîteya Jîneolojî ya Îtalya ra kampêk ameye organîzekerdene.  Bi tewrbîyayîşê  aktîvîstanê bajaranê cîya-cîyayan kampêka rengine ameye raameyene. Tewrbîyayîşo tewr zaf Roma, Napolî û Genova ra bi. Bi perwerdeyê Jîneolojî nîyadayîş û tecrûbeyî ameyî parekerdene. Cinîyî serê xeylî babetan de bi hîrayîye vinetî. Reyna bi metodanê Jîneolojî xebatê atolye zî ameyî kerdene.  

Endama Komîteya Jîneolojî ya Ewropa Zîlan Dîyare  bale ante ke kampe semedê vilakerdişê kulturê xoverdayîşî yê têgêrayîşê cinîyan rolêko gird kay kena. Endama komîteye Necîbe Qeredexî zî xoverdayîşê cinîyan ê vera modernîteyê kapîtalîstî ser o vindet. Roja peyêne ya kampe semedê serrêk qerarê xebatanê jîneolojî ameyî girewtene û semedê perwerde, cigêrayîş, kulturê Jîneolojî û xeylî babetanê bînan grûbî ameyî ronayene. Reyna komîtîya jîneolojî rê zî tewrbîyayîşî bîyî. Kampe bi aktîvîteyanê kulturî yê renginan qedîyaye.