Netîcenameyê Konferansê Cinîyan ê Rojhelatê Mîyanênî û Afrîkaya Vakure yê 2. ame parekerdene. Konferans şaristanê Beyrûdî yê Lubnanî de 30-31ê temmuze de pê şîarê 'Ma do bi Yewîya Cinîyan Şorişê Demokratîkî Bîyarê ca' ame kerdene.  18 welatan ra 100 delegeyî tewrê konferansî bîyî. 30 cinîyî zî bi hawayêkê onlineyî tewrê konferansî bîyî. 

Konferanso yewin Amed de 2013 de amebi kerdene.

Netîcename de ame parekerdene ke cinîyê Rojhelatê Mîyanênî û Afrîkaya Vakure  kerdişanê xiraban reyde têrî manenê; esaret, qetilbîyayîş, şîdetê cînsî, fîzîkî û psîkolojîkî cinîyan rê yenê ferzkerdene. Konferans de geşbîyayîşê têkoşînê cinîyan û têgêrayîşanê cinîyan ser o nîqaş û ercnayîşî ameyî kerdene.

Konferans de bire dîyaye ke îtîfaqê cinîyan ê Rojhelatê Mîyanênî û Afrîkaya Vakure do bêro awankerdene.