Kurdîstan de yew cinîya esîle rolê serkêşîye ana ca, cuye pawena û wexto ke yeno mergî rê vana 'xêr ame.' Kurdîstan de sey gerîlayêke cinîbîyayîş zehmet o la xîret û eşq heqê nê zehmetîyan ra yenê. Wexto ke ez gerîlayan ê cinîyan de qisey kena ney çimê înan de vînena. Mumkîn nîyo ke çew çimê gerîlayan de serfîrazîye mevîno. Gerîlayî hêvîya xo çimanê xo de kirişenê.

Koyan de çimê gerîlayanê sey Şaristane tim raştê kadrajê şima yenê. Wexto ke zerrîya erdî gerîlayanê sey Şaristane Dêrsim kena verarê xo şima zî hînî bi çekuyanê xo danê ciwîyayene û bêmerg kenê. Şaristane Dêrsim eşqê xo bi çekuyanê xo îfade kerdo.

Gerîlaya YJA-Starî Şaristane Dêrsima ke Warê Xoverdayîşî yê Şikefta Birîndaran de şehîd bîye, çimanê xo de pêro hîsî kiriştî. Aye bedelê heskerdişê Zagrosan dîyarîya Zapî kerde.

Şaristane Dêrsim wina qala eşqê xo yê Zap û Kuro Jahroyî ardêne ziwan: ''Qala Zap û Kuro Jahroyî kerdişî zehmet a. La embazê ke goş danê mi, qiseyanê mi hîs kenê ney fam kenê. Çunke cayo ke şima kede danê ci şima besteno xo. Kuro Jahroyî ez û kesayetê mi aver berd. Kur Jahro pîl o. Serî ra heta binî tede gerîlayî est ê. Erazîyê ci pîl o û zehmet o. Coka ez nêvana qey rojêke dişmen bêro tîya. Çunke dişmen nêeşkeno tîya fam bikero. Do nêeşko tîya bivisno destî. Çunke ma do tim bi bawerîya serfîrazîye şer bikerê.''

Şaristane Dêrsim 17ê nîsane de xoverdayîşê Zapî de vurîyaye bîye ruhê zemanî. A bîye ruhêkê Zapî, temsîlkarêka Zapî. Kênaya Awa Zê Şaristane Dêrsim bîye ruhê hele.