Endam YPS Jin Navda Dînç (Bêrîtane Amed Evren) a ke 2016 de xoverdayîşê xoîdarekerdişî yê Geverî de şehîde bîye cenazaya ci badê 5 serran ameye definkerdene.

Bado ke testê DNA safî bi cenazaya Dînçe 11ê teşrîna peyêne teslîmê keyeyê ci biye. Keyeyî cenazaya kênaya xo Goristanê Bêkesan ê Erziromî ra girwet berde Amed. Badê caardişê wecîbeyanê dînîyan cenazaya Navda Dînç Goristanê Yenîkoyî yê Rêzanî  de ameye definkerdene.

Şînxaneyê Dîcle yê Rêzanî de tezîye ameye ronayene. Endamanê HDP, DBP, MEDYA- DER, TUHAY-DERî tezîye zîyaret kerd û keyeyê Dînçî rê serweşîye waşte.