Sîyasetmedarê kurdî Sêvê Demîr, Pakîze Nayir û Fatma Uyar ê ke 4ê çeleyê 2016î  de Silopî de ameybî qetilkerdene; Sakîne Cansiz, Fîdan Dogan û Leyla Şaylemez ê ke 9ê çeleyê 2013î de paytextê Fransa Paris de ameybî qetilkerdene û Evîne Goyî, Abdûrrahman Kizil û Mîr Perwer ê ke 23yê kanûne de Paris de ameybî qetilkerdene Aarau de ameyî yadkerdene û qirkerdişî ameyî protestokerdene.

Çalakîya protestokerdişî de sloganê sey 'Şehîd namirin' ameyî vatene û eşkerayîye ameye wendene. Endama TJK-E Şevîne Batû û Vervatoxa Meclîsê Cinîyan ê Rojbîne Dîlan Çetînkaya çalakîye de qisey kerd. Înan îfade kerd ke ê do wayîrê şehîdan vejîyê, hesanê qirkerdişan bipersê û cuya azade bi serkewtişî bîyarê ca.

Qiseykerdişan ra dima seba şehîdan findî ameyî tavistene. Yadkerdiş de venga her kesî dîya ke tewrê rayraşîyayîşê merkezî yê 7ê çeleyî yê Parisî bibo.