Cinîyanê Şingalî serkêşîya TAJÊ de, Meclîsê Şarî yê Şingalî de bi wesîleya serrgêra 26. ya şehadetê gerîlaya PKKyî Zeynepe Kinaci (ZÎlane) merasîmêkê yadkerdişî kerd. Endamê Meclîsê Şarî, PADÊ, Têgêrayîşê Ciwanan, Dezgehê Keyeyanê Şehîdan zî tede bi seyan kesî beşdar bîyî.

Hetkara Hemserekîya Heyetê Rayberdişî ya Şingalî Cîhane Cîlo raştîya Şehîde Zîlane ser o qisey kerd û vat: ''Şehîde Zîlane wextêkê kilmî de xo şinasna, Rayber Apo şinasna, komelê xo şinasna. Aye bindestîye qebul nêkerde. Şehîde Zîlane tewrbîyayîşê xo ra serrêke dima resaye a aste û çalakîya fedayîye kerde.''

Qiseykerdişan ra dima Zîlane ser o sînevîzyonêk ame mojnayene. Merasîm pê slogananê sey 'Cinîye, Cuye, Azadîye' qedîya.