DKB/Birlikî bi beyanetêkê nuştekî pare kerd ke endama înan a Merkezê Partîye Cerene Guneş 3ê teşrîna peyêne de cepheyê şerî yê xeta Serêkanîye-Til Temirî de şehîd bîye.
 

Beyanat wina yo: "Cerene Guneş embazê ma şervanê MLKPyî Demhatî (Kerem Pehlîvan) reyde vera hemleya îşxalan a faşîstan mojna ke şarê Tirkîya têna paştdayoxê îşxalkeran û talankeran ra nêno meydan û bîy alaya biratîye û azadîya şaran."

DKP/Birlikî pare kerd ke Cerene Guneş sey domanêka keyeyêkê Tirkan ameye dinya û firsendê ke pêşkêşê ci bîy, red kerdî, bîye wayîrê tewirêkê şorişgêrî. DKP/Birlikî îfade kerd ke Guneşe çar serrî pêro cepheyanê şerî de ca girewt û vat: "Minbic de tewrê şerî bîye. Cepheyê Reqa de bi çêrî şer kerd. Guneşe seba xeyalanê xo amebî. Ciwanê Tirkîya xeyalê na cinîya şorişgêre do bîyarê ca."