Şervanê YPJyî yewna 8ê Adare Roja Cinîyan ê Kedkaran a Dinya bi xoverdayîşî verwazî kenê. Şervanê YPJyî ke Awbendê Tişrînî de vera hêrişanê dewleta tirke û çeteyanê ci xover danê 8ê Adare do mewzîyan de pîroz bikerê.

Şervanan ra Avaşîne Basya û Sorxwîne Cûdî vat ê do vera zîhnîyetê camêrdê serdestî xopawitişê xo hêzdar  bikerê û sere de cinîyî semedê şaran 8ê Adare de do têkoşînê xo xurtêr bikerê.

Avaşîne Basya ard ziwan ke Awbendê Tişrînî de tarîx yeno nuştene û nê vatî: ''Ma 8ê kanûne ra nata xover danê. Şervanî tîya vera teknîkê berzî şer kenê. Teknîkê dewleta tirke û çeteyanê ci nêeşkeno îradeyê şervanan bişikno. Ma semedê girewtişê qesasê embazanê xo yê şehîdan her roje têkoşînê xo xurtêr kenê. Pîya bi şervanan şarê ma zî xoverdayîş de cayê xo girewt. Awbendê Tişrînî de Şerê Şarê Şorişgêrî qewimîyeno. Xoverdayîşê şarê ma heyecan û moral dano ma. Xoverdayîşê şarî de yo ke bi felsefeya Rayber Apoyî beno gird şar û şervanî pabesteyê yewbînan ê. Ma bêşarî û şar zî bêma nêbeno. Ma do pîya xoverdayîşê xo ser bifînê. 8ê Adare semedê ma têna rojêke nîya, semedê her roje 8ê Adar a. Her roje bi coşê 8ê Adare xoverdayîş beno. Ma hêvî kenê ke nê 8ê Adare pîya bi Rayber Apoyî pîroz bikerê. Xeyrê Rayber Apoyî têkoşîn û xoverdayîşê cinîyan wina bi gird.''

Sorxwîne Cûdî zî nê vatî: ''Tişrîn de xoverdayîşo gird ame dayene. Vera hêrişanê giranan bi Şerê Şarê Şorişgêrî cewab ame dayene. Ma çarçewaya xopwitişî de hêrişê çeteyan şiknenê. Awbendê Tişrînî yê ma yo, ma do awbendê xo cameverdê.Cinîyî serkêşîya şerî kenê. Cinîyî cuye newera munenê. Ma do nê 8ê Adare  bi xoverdayîşê Tişrînî pîroz bikerê. Ma mewzîyanê şerî ra roja heme cinîyan pîroz kenê.''