Şerwananê YJŞyî Akademîya Şehîde Bêrîvane Şingalî de dewreyê xo yê karate qedîna ke perwerde dîyarîya Fermandara YJA-Starî Şehîde Nûjîne Amed ameye kerdene. Şerwanan û fermandanê ke tewrê bernameyê qedînayîşî bîyî ANFyî rê qisey kerd. 

Fermandara YJŞyî Vîyane Hebabî vat: ''Embazanê sey Nûjîne seba nê erdî kede daye, YJŞ rêxistin kerd. Ma nê perwerdeyî dîyarîya embaze Nûjîne û şehîdanê bêmergan ê YJŞyî kenê. Cinîyê rêxistinkerdeyî û perwerdekerdeyî seba Şingalî hewce yê. Ma pê rêxistinîya xo hêrişanê dişmenî rê bibê cewab.''

Şerwana YJŞyî Bêrîvane Şingalî vat: ''Ma pê felsefeya Rayber Apoyî erdê xo de perwerde vînenê. Pê nê perwerde ma armanc kenê ke wa ma de çekêka nimite biba. Ma armanc kenê ke qesasê cinîyanê ke Şingal de ameyî remnayene, kiştene û rotene bigêrê.''

Şerwana YJŞyî Dilvîne Şingalî vat: ''2 mengî ma perwerdeyê karate dî. Ma armanc kenê ke cinîyanê êzidîyan perwerde bikerê û karate bimusnê înan. Semedo ke reyna vera êzidîyan fermanêk nêro îlankerdene ma perwerde vînenê.''

Merasîmê qedîyayîşê perwerdeyî pê govendan qedîya.