Şaristananê Duisburg, Koln û Frankfurtî yê Almanya û şaristananê Marsilya û Rennesî yê Fransa de cinîyê kurdî vejîyayî meydanan û şîdetê vera cinîyan şermezar kerd.

Duisburg

Rayberîya Meclîsê Cinîyan ê Şehîde Asya Yuksel de çalakîyêke ameye kerdene. Amara Tolhildan nameyê cinîyan ser o qisey kerd û îfade kerd ke her ca de bi mîlyonan cinîyî rastê şîdetî yenê. Çalakîye de sloganê sey ''Cinî, Cuye, Azadîye'', ''Biciwîyo Serek Apo'' ameyî vatene.

Marsilya

Rayberîya Meclîsê Cinîyan ê Arîne Mîrkan de kurdan standêk akerd. Çalakîye kişîyayîşê 3 cinîyan ê hetê dewleta tirke ra ame protestokerdene û vilawekî ameyî vilakerdene.

Koln

Çalakîya rayberîyaMerkezê Komelê Demokratîkî yê Kurdan û Meclîsê Cinîyan ê Vîyane de hêrişê dewleta tirke ameyî şermezarkerdene. Qiseykerdoxan pare kerd ke dewleta tirke wazena Şorişê Rojawanî çin bikera. 

Frankfurt

Çalakîya de şîdetê vera cinîyan ame şermezarkerdene. Çalakîye de wina ame vatene: ''Hêriş û şîdetê vera cinîyan sîstematîk o. Çalakîye de fotografê Zeynebe Celalîyan ameyî berzkerdene û aqîbetê ci ame perskerdene.

Rennes

Rayberîya Komeleya Komelê Demokratîkî yê Kurdan û Komeleya cinîyan a Zîne de çalakîyêke ameye kerdene û pê sloganan dewleta tirke ameye şermezarkerdene.

Villier le Bel

Çalakîye de kurdîstanijî îstasyonî ra rayîrî ra şîyî. Hemserekê CDK-Fyî Veysel Keserî çalakîye de qisey kerd û ard ziwan ke Serekkomarê Tirkîya Erdogan peynîya xo Kurdîstan de amade keno.

Lozan

Lozan de kişîyayîşê 3 cinîyan ê kurdan ê kobanênijan ê hetê dewleta tirke ra ame şermezarkerdene.