Cinîyan ê ciwanan ê şingalijan serrgêra çalakîya fedayîye ya gerîlaya PKKyî  Zeynepe Kinaci (Zîlane) ya 26. de kongreya xo kerde. Kongreya ke 150 delegeyî tewrê ci bîyî Kampa Multecîyan a Mexmûrî ra zî meman zî tede cayê xo girewt.

Cinîyan da eşnawitene ke înan na kongre de ronayîşê Yewîya Cinîyan ê Ciwanan a Şingalî (Yekitiya Jinên Ciwan a Şengalê-YJCŞ) îlan kerd.

Kongre de bi qiseykerdişê akerdişî vervotaxa cinîyan ê ciwanan Sara Botan kerd. Reyna bi nameyê TAJÊ û YJŞî zî qiseykerdişî ameyî kerdene. Qiseykerdişan bale ameye antenê qirkerdişanê vera êzdiîyan û muhîmîya xopawitişî ser. Cinîyan êzidîyan vat ê do xeta Zîlane de têkoşînê xo pîlêr bikerê.

Reyna Rojawan û Vakurê Kurdîstanî, Rûsya, Ermenîstan û Ewropa ra zî mesajê bi dimenî yê paştayîşî ameyî. Badê mesajan perspektîfê Rayberê Şarê Kurdî Abdullah Ocalanî ê semedê Şingal û komelê êzidîyan ameyî wendene.

Kongre de vera Pêkerdişê 9ê Teşrîna Verêne yê PDK-Bexdadî û Tirkîya yo ke vera Şingalî ame kerdene, nêrazîbîyayîş ame mojnayene. Reyna zextê bînî yê sey zewajê domanan ê vera cinîyan ameyî destgirewtene û derheqê çareserî de ame qiseykerdene. Cinîyan vat ê do xo her hetî aver berê û rêxistinkerde wayîrê heqanê xo vejîyê.