Aktîvîstê Têgêrayîşê Cinîya Azade yê Kurdistanî Ûta Schneîderbangere (Nûdeme) û Ekîn Ceren Dogrûake (Amara) yê  ke 31’ê Gulan a 2015’î de Wareyê Pawitişî yê Medya de qezayê  trafîkî de şehîd bîyî, Mulheîm an der Rûhr de serê goranê xo de bi merasîmêk  ameyî vîrardene.

Merasîmo ke hetê Buroyê Cinîyan (CENÎ) Merkezê Têhetmayîşê Cinîyan (Ûtamara) û Meclîsê Cinîyan ê Şehîde Asya Yuksele yê Duîsburgî ra ame organîzekerdene pî û maya Ûta Schneîderbangere, temsîlkarê CENÎ, Ûtamara, Têgêrayîşê Cinîyan ê Kurdî, KOMAW, Dezgehê Ziwanî û Duîsburg û derûdorê ci ra xeylî Kurdistanijî tewrê ci bîyî. Vîrardişo ke bi deqeyêkê rêzgirewtişî dest pêkerd, sîyasetmedara Kurde Besîme Konca, Ûtamara ra Bîrgît Baumesîstere û hemsereka KOMAW’î Şengê Kahramane qiseykerdişêk kerd. Peynîya vîrardişî de semedê şehîdan helwa ameye vilakerdene.