Kurdîstan xêrê domananê xo yê qehremanan ra bi Kurdîstan. Nê domanan ra yewe zî Sûhame Ebdûlqadîr a. Sûhame mîyanê keyeyêkê welatperwerî de bajarekê Çarqurna yê qezaya Ranya yê Başûrê Kurdîstanî de dadîya xo ra bena û pê hîsanê welatperweran bena pîl.

Sûhame hema ciwanîya xo de têgêrayîşê azadîye şinasnena û 2001 de tewrê gerîlayan bena. A vateyê 'Cinîyî mîyanê komelî de ganî sey ferîştahe bibê' yê Rayberê Şarê Kurdî Abdullah Ocalanî xo rê esas girewt û nameyê Çavrê Firîşte xo rê weçîna.

Çavrê seba cuya gerîlatîye wina vatêne: ''Wexto ke ez ameya koyan seke ez sey milçîke qafesê xo ra azad bîya. Mîyanê gerîlayan de tewr zaf tewirê şorişgêrî yê embazan tesîrê mi kerd. PKK nasname û îradeyê ma yê azadî temsîl keno. Ez nê koyan de resaya nasnameyê xo yê azadî.''

Gerîlaya YJA-Starî Çavrê vera dişmenî kîndar û hêrsbîyaye bîye la verê embazanê xo de zerrînizm û perwer bîye.

Aye erkê xo yê fermandarîye zî pê mesuldarîyêka pîle kerdêne coka pêro embazanê ci waştêne mîyanê tîma aye de cabigêrê.

Çavrê wina qala felsefeya Rayberê Şarê Kurdî kerdêne: ''Ma ancax pê felsefeya Rayber Apoyî eşkenê kesayetê xo awan bikerê. Ma kesayetê ey de, kesayetê xo dî. Rayber Apoyî pê fedakarîyêka pîke şarê kurdî ard yew aste. Ma deyndarê ey ê. Seba azadîya ey ma do pêro erk û mesuldarîyanê xo bîyarê ca.''

Fermandara YJA-Starî Çavrê koyan de Fermandara Pîle ya Başûrê Kurdîstanî Vîyane Soran zî şinasnaye û zaf binê tesîrê aye de mende. Çavrê xo rê krîter û esasê Fermandare Vîyane Soran girewtî.

A 2015 de waştişê xo ser o derbazê herêma Botanî ya Vakurê Kurdîstanî bîye. Çavrê xeylêk çalakîyan de embazanê xo rê serkêşîye kerde. Fermandara YJA-Starî Çavrê Firîşte hêrişê artêşa tirke ya îşxalkere de 13ê gulana 2017î de şehîd bîye.