Platformê Ma do Cînayetanê Vera Cinîyan Vindarnê  (KCDP)  raporê menga adare pare kerd. Goreyê raporî menga adare de 28 cinîyî ameyî qetilkerdene û 19 cinîyî zî bi hawayêkê şikdarî merdî.

Nînan ra sebebê kişîyayîşê 20 kesan nêzanîyeno la cinîyêke rewşa ekonomîke ra, 7 cinîyî cîyabîyayîşî ra, redkerdişê zewajî ra, redkerdişê waştîtîye ra kişîyayî.

28 cinîyan ra 13ê ci hetê mêrdeyanê xo ra, 4ê ci hetê merdimanê xo ra, 3ê ci hetê waştîyanê xo ra, 3ê ci hetê mêrdeyanê xo yê verênan ra, 2ê ci hetê birayanê xo ra, 2ê ci hetê xismanê xo ra û cinîyêke zî hetê waştîyê verênî ra kişîyayî.

Se ra 64 nê cinîyî keyeyê xo de kişîyayî.

Rapor de ame vatene ke eke Peymana Îstanbulî biameyêne caardene nika 28 cinîyî ciwîyayêne.