Besna Tuman (Vejîne Agirî) sey heme ciwanan waştêne kay bikero û biwîyo. La aye no têna semedê xo nê semedê heme doman û ciwananê kurdan waştêne. Sey yew domana ke domanîya xo vînî kerda 1993  Wan de ameya dinya.

Besna Tuman xeyrê keyeyê xo yê welatperwerî bi zanayîşê kurdîye bîya pîl. Hîssê ci pê kurdîye dekerdeyê. Seba ke cuya xo de zaf zextê bêdejî dîyî vera nînan wazena biba fedayîya azadîye ke wa çîyê ke aye antî ê bînî meancê.

Besna goştarîya vatişê Rayberê Şarê Kurdî Abdullah Ocalanî yê Kam ke mi sîneno wa verê xo bido Botanî ke kena û 2014 de Botan de tewrê  gerîlayan bena. Cinîya kurde Besna binê tesîrê cuya partîye, hemrayîya şorişgêrîye û bitaybetî zî gerîlayanê cinîyan de manena û bi fîkranê Rayberîye xo aver bena.  Besna bi Rayberîye bena Vejîne  Agir. Şer kena, vaz dana koyan de, gerîlayan reyde kay kena û cuya xo ya newîye rê wuyena.

Vejîna ke pê perwerdeyanê akedemîkan xo newe ra afernena bi nê hêz û îlhamî xo semedê şertanê dahîna zehmetan hazir kena. Rayîrê Delale û Azeyan de şer kena û 2020 de pîya bi Sarya Besta û Avareş Helhel heta dalpaya peyêne ya gonîya xo şer kena û tewrê kerwanê şehîdan bena. Vejîne Agîrî bîye adirê ganîbîyayîşî û  sey bi hezaran fedayîyanê  ke sey meşaleyêko çirey do hewna nêşiro, koyanê azadan de bîyî bêmerg, aye zî emrê xo da azadîya Kurdîstanî.