Peynîya menga Adare de ma rastê mersasîmê padayîşî yê ‘Wendegehê Operasyonî yê Akademîyê Şehîde Rojîn Gewda’ yenê. Fermandarê YJA Starî Emîne Ercîyese û Têkoşîn Toprake, Raperîn Engîzeke zî mîyanê temaşekerdoxan de estê. Wexto ke ma ê dîyî, ma vat, ‘çalakîya moralî ya qedênayîşê akademî ya’. 

Amadekarîyêka hîratire yena kerdene. Gerîlayê YJA Starî yew bi yew poranê yewbînan mûnenê. Muzîk û govende dest pêkenê. Peyê perdeyî de zî amadekarîya seba tîyatroyî yena kerdene. Mîyanê şert û mercanê xozayî de makyajêkê profesyonelî yenê kerdene.

Ma bado musayê ke na aktîveteyêka moralî nîya, prova ya. Gerîlayan ra yewêke vat, “Ma hêzê operasyonî ye akademî yê, vera operasyonêkê gengazî de ma têhet de yê. Eke operasyonêk biqewemîyo ma amade yê ke tewrê ci bibê. Heta o wext ma zî waşt çîyêk bikerê. Seba ke 30'ê Hezîrane serrgêra şehadetê hevala Zîlane ya ma zî xo seba vîrardişê aye amade kenê.”

Ma nêzana ke gerîlayê YJA Starî yê Wendegehê Operasyonî yê Akademî yê Şehîde Rojîn Gewda seba 'operasyonêkê gengazî' nika kamcîn herêmanê Kurdistanî de yê. Ma dîmenê çalakîya moralî ya 30'ê Hezîrane ya nê cinîyan ê ciwanan ê ke bi kedêka girde viraşta şima reyde pare kenê.