Festîvala 4ê Nîsane ya ke bi wesîleya rojbîyayîşê 76inî yê Rayber Apoyî serkêşîya Platformê Dezgehan ra qezaya Xelfetî ya Riha de ameye kerdene, Amara de dewam kerd. Bado ke serkêşîya cinîyan de ver bi Amara rayraşîyayîşo qirseyî ame kerdene, bexçeyê Rayber Apoyî de şayîya 4ê Nîsane ameye kerdene.

Semedê serranê Rayber Apoyî hemserekê pêroyî yê DBPyî Çîgdeme Kiliçgun Uçar û Keskin Bayindir, birayê Rayber Apoyî Mehmet Ocalan, wekîl û hemşaredarê DEM Partî, Mayê Haştîye, ciwanê ke tewrê rayraşîyayîşê dewa Amara bîyî, rojnameger Haydar Ergul û Endama Grûba Haştîye Avesta Gulten Uçar zî tede 76 kesî tewrê şayîye bîyî.

Heyet dewe de bi slogananê "Bijî Serok Apo", "Rojbûna te pîroz be ey Serok Apo", "PKK şar o, şar tîya de yo'' ame verwazîkerdene. Ciwanan bi fotografê girdî yê Rayber Apoyî heta keyeyê ey rayraşîyayîş kerd. Heyet hetê Mehmet Ocalan û Wekîlê DEM Partî Omer Ocalan û şarê dewe ra ame verwazîkerdene.

Tîya verî Mehmet Ocalanî qisey kerd û rojbîyayîşê Rayber Apoyî fîraz kerd. Dima ra bi tewrbîyayîşê Avesta Gulten Uçar û Haydar Ergulî bi nameyê ''Tarîxê Ganîbîyayîşî'' panelêk ame kerdene. Panel de vengdayîşê Haştîye û Komelê Demokratîkî ame selamkerdene ame vatene ke serkêşîya cinîyan û ciwanan de komelê demokratîk do bêro înşakerdene.