Merkezê Îrtîbatî û Çapemenîye yê HPGyî derheqê hêrişanê îşxalî û mudaxeleyê gerîlayan de eşkerayîyêke daye. Eşkerayîye wina ya:

‘’ Rojbîyayîşê Rayber Apoyo ke ma rê rayîrê cuyêka manadare û azade akerdo, sere de ey rê, şarê ma yê welatperwerî rê û pêro embazanê ma rê ke her  a de têkoşîn kenê fîraz bo. Têkoşînê azadkerdişê Rayber Apoyî de ma pêro şarê ma, embazan û dostanê ma rê serkewtiş wazenê. Sey gerîlayanê azadîye yê Kurdîstanî nê armancî ser o ma bi qerardarî têkoşînî berz bikerê.

Hêrişê bi teyarayanê şerî

3yê nîsane de Warê Xoverdayîşî yê Dergelê, Bêşilî yê Metîna; Warê Xoverdayîşî yê Herêma Şehîd Delîlî ya rojawanê Zapî 5 reyî dîyayî bombayan ver.

Hêrişê bi obus, top û çekanê giranan 

3 û 4ê nîsane de warê Kendekola, Berê Zînê û Lolanî yê Xakurkê; warê Zêvkê, Dêreşê, Mijê, Spîndarê, Girgaşê yê Garê; Serê Metîna yê Metîna; Warê Xoverdayîşî yê Girê Amedîyê û Girê Biharî yê Herêma Şehîd Delîlî ya Rojawanê Zapî 442 reyî dîyayî bombayan ver.

Mudaxeleyê hêzanê ma

3yê nîsane de Warê Xoverdayîşî yê Girê Biharî yê Herêma Şehîd Delîlî ya Rojawanê Zapî de 1 dron bi taktîkê suîkastî ame warvistene.’’