Fermandarîya Pêroyî ya YPJyî bi eşkerayîyêkeserrgêra 13ine ya ronîyayîşê xo û rojbîyayîşê Rayber Apoyî fîraz kerdî. Eşkerayîye wina ya:

‘’Ma ewro hem rojbîyayîşê Rayber Apoyî hem zî serrgêra ronîyayîşê YPJyî fîraz kenê. Ma na roja manadare de pêro şehîdanê ma bi rêz û minetî yad kenê û soz danê ke vîrameyîşanê înan biresnê serfîrazîye.

Ma bi wesîleya na roje pêro cinîyan ê xoverdayoxanê ke 2013 ra heta 27ê teşrîna peyêne ya 2024î vera HTŞyî şer kerdêne selam kenê.

YPJ ewro zî serkêşîya pêro cinîyan keno û îlham dano cinîyanê dinya. YPJ 2013 de Rojawan de sey parçeyêkê têkoşînê azadîya cinîyan ronîya û bi têkoşînê xo yê vera DAÎŞî teqdîr girewt. YPJ tena Rojawan de ney pêro dinya de bi sembolê têkoşînê azadîye û xoverdayîşî. Fikrê azadîye, demokrasî û têdûştîya cînsîyetan ê Rayber Apoyî bîyî bingeyê têkoşînê YPJyî. Fikranê Rayber Apoyî şiklêko enternasyonalîst da YPJyî.

Têkoşînê YPJyî tena vera çeteyanê DAÎŞî ney vera pêro awanîya Patrîyarkale ya dinya ame kerdene. No têkoşînê azadîye yê cinîyan û şaran îsbatê mîrasê Rayber Apoyî yo.

Ma wina bawer kenê ke serrgêra ronîyayîşê YPJyî de hêzê xoverdayîşî û felsefeya Rayberîye ra ma ancî îlham bigêrê. Azadîya cinîyan azadîya şaran a. Têkoşînê YPJyî têkoşînê şarêkî ney têkoşînê pêro merdimatîye yo. Ma do pîya gamanê bihêzêran bierzê.’’