Çarçewaya operasyonê qirkerdişê sîyasîyî yo ke hetê Serdozgerîya Komare ya Amedî ra yeno raybardene de 16ê adare de sîyasetmedar, îdarekarê dezgehanê komelê sîvîlî û sendîqayan zî tede vîst û panc cinîyî ameybî destbendkerdene. Înan ra hewt cinîyî 18ê adare de ameybî tepiştene  û heşt cinîyî bi şertê kontrolê edlîyî ameybî veradayene.

Hemşaredara Sûrî Filize Buluttekina ke herinda ci qeyûm ame cakerdene, Sekretera SESî ya Amedî Fatma Yildizhan, Sekretera BTSyî Bahare Ulug, aktîvîstê TJA Zekîye Guler, Birsen Guneş, Safîye Akdag, Evîne Yelboga, Emine Akşahîn, Emine Çetiner, Kezibane Kuday û Songule Kapanci vizêr vejîyayî mehkeme.

Cinîyan ra Filize Buluttekin, Bahar Ulug, Fatma Yildizhan û Songul Kapanci ameyî tepiştene û cinîyê bînî bi şertê kontrolê edlîyî ameyî veradayene.

Hûmara cinîyan ê ke ameyî tepiştene bîye yewendes.