Têgêrayîşê Cinîyan ê Azadan (TJA) û Meclîsê Cinîyan ê Partîya Demokratîke ya Şaran (HDP) Amed de semedê wayrîvejîyayîş Pêkerdişê Îstanbulî çalakîye organîze kerde. Polîsan destûrê çalakîye nêda.

Çatê Dinya yê qezaya Peyesî ya Amedî ke do çalakîye tede bêro destpêkerdene hetê polîsan ra gerîya binê abluqa. Vervatoxa Meclîsê Cinîyan ê HDPyî Ayşe Acar Başaran, wekîlê HDPyî Nurane Îmîr, Remzîye Tosun, Dersim Dag, Semra Guzel, aktîvîstê TJA û xeylêk cinîyî cayê çalakîye de ameyî pêser. Cinîyî çar nuqtayanê cîya cîyayan de gerîyayî binê ablûqa. Cinîyan bi slogan û tîlîlîyan ablûqaya polîsan şermezar kerde.