Platformê Cinîyan ê Amedî yê Dîcle (DAKAP) bi eşkerayîyêke startê çalakîyanê 25ê Teşrîna  Peyêne Roja Têkoşînê Vera Şîdetê Serê Cinîyan da. 

Eşkerayîye ra verî cinîyan şubeyê PTTyî yê Ofîsî ra cinîyan ê tepişteyan rê kartê paştdayîşî şawitî dima zî Vervatoxa DAKAPî Çagla Îzcî bernameyê aktîvîte û çalakîyan ê 25ê Teşrîna Peyêne eşkera kerd. Bernameyê Amedî wina yo:

 -17ê teşrîna peyêne: Derheqê 25ê teşrîna peyêne de sticker û afîşî her cayî ra do bêrê daliqnayene.

 -18ê teşrîna peyêne: Îdareyanê herêmîyan reyde xebata kargehî do bêra kerdene. 

-19ê teşrîna peyêne: Komeleya Cinîyan a Rosa Qefesê Zerzevanî de xoşeberêke do bikera. 

*19 Kasım: Rosa Kadın Derneğini öncülüğünde Zerzevan Kafesi'nde söyleşi düzenlenecektir. Saete: 13.00- 16:00

 -20ê teşrîna peyêne: Parka Koşuyoluyî de rayberîya ÎHDyî de semedê Gulîstane Doku vengdayîşêk do bêro kerdene. Saete: 12.00

-20ê teşrîna peyêne: Rayberîya KESKî de cinîyî do turê biskilêtan bikerê.

-21ê teşrîna peyêne: Rayberîya Federasyonî de verê Zîndanê Amedî yê bi Tîpê Dyî de eşkerayîya çapemenîye do bêra kerdene. Saete: 12.00 

-21ê teşrîna peyêne: Rayberîya Komîsyonê Edaletî yê Gulîstane Doku de Tîyatroyê Şaristanî yê Amedî de kayêk do bêro mojnayene. Saete: 15.00 

-22ê teşrîna peyêne: Qezayan de xebatî  do bêrê kerdene.

-23ê teşrîna peyêne: Rayberîya Mayanê Haştîye de Goristanê Sisê do bêro zîyaretkerdene. Saete: 09.00 

-24ê teşrîna peyêne: Rayberîya Jineolojî û KASEDî de kayêk û pêramotişêk do bêro mojnayene. Saete: 16.00

-24ê teşrîna peyêne: Panelê DAKAPî do bêro kerdene û verê edlîye de cezaya vera Ayşe Gokkan do bêra protestokerdene. 

-25ê teşrîna peyêne: Raporê Torra Şîdetî do bêro eşkerakerdene, saete: 17.00. Şewe rayraşîyayîşê bi meşaleyan do bêro kerdene.

-26ê teşrîna peyêne: KESK Tîyatroyê Şaristanî yê Amedî de kayêkî do bimojno. 

 Eşkerakerdişê bernameyî ra dima Hemsereka HDPyî ya Amedî Gulîstane Aksoy qisey kerd û bale ante ser ke bi hezaran cinîyî hetê hişmendîya serdestîya camêrdan ra kişîyenê, tepişîyenê û maruzê şîdetî manenê. Aksoye vat: ''Ma vera na hişmendîye apey gamêke zî nêerzenê.

 Ma venga pêro cinîyanê Amedî danê ke wa tewrê nê aktîvîte û çalakîyan bibê, vera hişmendîya serdestîya camêrdan pîya têkoşîn bikerê. Rayîrê ma rayîrê azadîye yo. Ma pêro embazanê tepişteyan rê kartî şawitî, dêsî do pê ma  nêeşkê û bawerîya ma do ca bera. Ma do qetî waranê azadan de bêrê yewca.''

Eşkerayîye pê sloganê 'Cinîye, Cuye, Azadîye' qedîyaye.