Merkezê Cigêrayîşanê Warî yê Sosyo-Polîtîkan mabênê 22-26ê adare de Amed, Riha, Dîlok, Wan, Mêrdîn, Êlih, Qers, Îdir, Mûş û Bedlîs zî tede 16 şaristaneyn de cigêrayîşêk kerd. Hezar û 509 kesî tewrê anketî bîyî.

Goreyê ney se ra 62,3 kesî ‘krîzê ekonomî û bêkarîye’, se ra 23,7 meseleya kurdan û se ra 6,7 kesî şer sey meseleyêka sereke vînenê.

Beşdaran rê ‘Vengdayîşê Haştîye û Komelê Demokratîkî’ ame perskerdene. Se ra 54, 6 kesî no vengdayîş sey ‘pozîtîfî’, se ra 14,7 negatîf vînenê. 

Persê ‘Gelo şima bawer kenê ke Ocalan do haştîye bîyaro?’ zî ame perskerdene. Se ra 42,5 kesan cewabê ‘heya’, se ra 21,9 kesan cewabê ‘ney’ û se ra 18 kesan cewabê ‘tay hetan ra’ dayo. Persê ‘Gelo vengdayîşê Ocalanî do meseleya kurdan çareser bikero?’ rê se ra 41,8 kesan cewabê ‘heya’, se ra 21,8 kesan cewabê ‘ney’ û se ra 18,7 kesan cewabê ‘tay hetan ra’ dayo.

Persê ‘Ganî kamyew vurneyyîşî bêrê kerdene?’ rê nê cewabî dîyayî.

Vurnayîşê qanûnê înfazî: Se ra 65 'Heya', se ra 13, 'Ney', se ra 22 'Bê qerar a'.

Wedaritişê qanûnê terorî: Se ra 60,4 'Heya', se ra 17,8 'Ney', se ra 21,9 'Bê qerar a'.

Sererastkerdişê qanûnê veradîyayîşê tepişteyanê nêweşan: Se ra 68,5 'Heya', se ra 13,3 'Ney', se ra 18,2 'Bê qerar a'.

Caardişê qanûnê heqê hêvîye: Se ra 68,9 'Heya', se ra 12,6 'Ney', se ra 18,5 'Bê qerar a'.

Qedînayîşê rejîmê qeyûman: Se ra 71,2 'Heya', se ra 12,7 'Ney', se ra 16,2 'Bê qerar a'.

Îlankerdişê efûya pêroyîye: Se ra 60,4 'Heya', se ra 19,5 'Ney', se ra 20,1 'Bê qerar a'.