Gerîlaya Yewinanê Pawitişî yê Cinîyan (HPJ) Arjîne Niştiman derheqê serewedaritişê cinîyanê Îran û Rojhelatê Kurdîstanî de ANFyî rê qisey kerd.

Arjîne Niştiman ard ziwan ke ganî no serewedaritişê cinîyan hol bêro famkerdene û vat: ''Cinîyanê Rojhelatê Kurdîstanî nê prosesî de rolêko krîtîk kay kerd û serkêşîya şaran kerde. Jîna Emînî seba ke cinîyêka kurde bîye ameye qetilkerdene. Şarê kurdî û Îranî naye ra dima sere wedarit.  Rejîmê Îranî nê serewedaritişî de bi hawayêkê bêrehmî hêrişê şarî kerd.

Vera hêrişanê dewleta Îranî ya faşîste xopawitiş şert o. Ganî şarê Îran û Rojhelatê Kurdîstanî nê têkoşînî de bibê yew. Îran do verê hêzêkê rêxistinkerdeyî de nêeşko daymîş bibo. Seke Rayber Apoyî vatbi heta ke cinîyî azad nêbê komel zî azad nêbeno. Coka 'jin, jiyan, azadî' têna yew slogan nê felsefeya îdeolojî û cuye ya. Ewro na felsefe bingeyê serewedaritişê cinîyan o.

Seba ke no serewedaritiş bireso netîceyêke ganî têkoşînêko hîna bihêz û xurt bêro kerdene. Ez venga cinîyan ê kurd, ereb, fars, belûc û azerîyan dana ke dormeyê îdeolojîya azadîya cinîyan de bêrê pêser û bi nê perspektîfî rayîrê azadîye de şorê. Ez venga cinîyanê Îran û Rojhelatê Kurdîstanî dana ke bi îradeyêkê asinînî nê têkoşînî pîl bikerê, heqê xo yê xopawitişî bişuxilnê û nê serewedaritişî pê serfîrazî tacîdar bikerê.''