Fermandaranê YJA-Starî ra Melsa Mûş tewra Bernameyê Taybetî yê Stêrk TVyî bîye û şerê 2 mengan ê Zagrosan ercna.

Qiseykerdişê Melsa Mûş ra beşêk wina yo:

''Zagros pêro tarîxî de wayîrê ruhê şorişgêrî bi. No şer şerê serkewtişî yo. Senî ke hezar serrî verî na cografya de asta şorişî de têkoşînê azadîye ame kerdene ewro zî heman raştîye şexsê domananê na cografya de yena îdarekerdene. Ruhê gerîlayanê Modernîteya Demokratîke waranê operasyonî asta xoverdayîşî eşkera keno. Pê îdeolojîya Rayber Apoyî serkewtiş do ê ma bo.

Dewleta tirke xîret kena ke pê medyaya hawuzî xo sey serkewte bimojna la rixmê teknîkê xo a her roje derbanê giranan wena. Artêşa tirke Zagrosan de derbêke werde ke nêeşkena xo vîr a bikera. Çalakîya Pîramîtî wina ya. Warê Cîloyê Biçûkî de rayberîya fermandare Ronahî de çalakîyêke ameye kerdene. Na çalakîye de dişmenî derbê giranî werdî. Yanî şerê tunelan de embazê ma her rojde hêriş kenê û mîyanê şerêkê giranî de yê.

Artêşa tirke heta nika bîlançoya şerî qetî pare nêkerda. Bi desan cenazayê leşkeran Girê Mamreşo, Cîloyê Biçûk, Ertûş û Zendûra de binê kontrolê gerîlayan de yê. Ê nêeşkenê cenazayanê xo bigêrê. Malzeme û çekê înan destê ma de yê. Dewleta tirke vera ma cerganê Sûrîye, Lîbya û Iraqî dana şerkerdene. Ma zî fermandarê tirkî zî raştîyanê şerî zanenê. La ê qetî çapemenîye de nê raştîyan vila nêkenê. 

Artêşa tirke warê Mamreşoyî yê Avaşînî e vera tunelanê şerî metodê gemarinî şuxilnayî. Bi rojan pê seyan kîlo teqaberan war da bombayan ver, gazê kîmyewî xebitnayî, benzî eşt tunelan û xîret kerd ke uja bivêşna. Artêşa tirke pê kutikan xîret kerd ke debikewa tunelan. Seke medya de zî dîyaye înan cenazayanê embazanê ma rê îşkence kerdo. Artêşa tirke şerêkê bêxlaqî kena. La ê do nêeşkê pê gerîlayanê azadîye bieşkê.

Seke Fermandarê Xoverdayîşê Sûrî Çîyagerî vatbi 'Netîce do bêhempa biba.' Se beno wa bibo Zagrosan de pê xoverdayîş û serkewtişê gerîlayan merdimîye do şorişêkê diyînî yê merdimîye bivîna.''