Torra Paştdayîşê bi Cinîyan a Asyaya Rojwane (WANA) û Afrîkaya Vakure (WWSN) seba rojnamegera kurde Pexşane Ezîzî bi eşkerayîyêke veng da.

Eşkerayîye de ame parekerdene ke ê venga pêro komelê mîyanneteweyî, hukmatan, rêxistinanê heqanê merdiman û aktîvîstan danê ke vera cezaya îdamî ya ke dîyabî Pexşane Ezîzî têbigêrê.  Mehkemeya Berze ya Îranî cezaya dardekerdişî tesdîq kerde û beno ke nişka ra biyara ca.

Eşkeraîye de dîya zanayene ke Pexşane Ezîzî pêro cuya xo de aktîvîzmê heqanê cinîyan kerdo û seba edalet û têdûştîye têkoşîn kerdo. Eşkerayîye wina dewam kena: ''Ma paştî danê keyeyê Pexşane û ê kesan ke wazenê bira îdamî betal biba. Dinya do vera hedefkerdişê cinîyan ê çêran bêveng nêmana. Seba ke veng û cuya Pexşane Ezîzî seba neslanê neweyan ma bibê yew.''