Fermandaranê Hemleya Şorişgêre ya Şehîd Savaş Maraşî ya Cengê Xebûrî ra Sroxwîne Avesta Stêrt TVyî de qisey kerd. Qiseykerdişê Avesta ra tay cayî wina yê:

''Gerîlayê Kurdîstanî qerardar ê, no şer seserre zî dewam bikero do heta welatê ma azad mebo û no faşîzîm Kurdîstanî ra nêro fetilnayene ma do mevindê. Hêvîya artêşa tirke teknîk o la hinî teknîkê înan tesîrê gerîlayan nêkeno. Ma sey gerîlayan hem şer de yê hem zî mîyanê şerî de ma prosesê înşayî ciwîyenê. Her kêmîya xo ke ma tesbît kenê, ma şine ser û temam kenê. Ma taktîk û metodanê neweyan aver benê. Gerîlayan par tunelan de heta peynî xover da, teslîmê dişmenî nêbîyê la kêmayî şerê erazî bî. Eke hetê erazî ra sey tunelan xoverdayîşo plankerde biameyêne kerdene netîce dahîna hol bîyêne. Na kêmîye ser ame vindetene û goreyê ci newe ra ame organîzkerdene. Amadekarîya tunelen û erzaî ameyî zixmkerdene. Tunelê şerî tarîhê ma de hemleya  taktîkî ya newe ya.  Emser mesela ma Girê FMyî de zî dî , embazî  zere û teberî ra pîya koordînekerde danê piro. Heme Kurdîstan de herinda caverdayîşê herra xo de pawitiş esas gerîyeno no zî dişmenî tersneno.

Hem semedê ma hem zî semedê dişmenî Herêmê Pawitişî yê Medya zaf muhîm ê. Dişmen se keno wa bikerê nê herrê ma yê, no welat ê ma yo. Dewleta tirke wazena heme Kurdîstanî îşxal bikero. Vera nê têkoşîno xurt est o. Nameyêko aceb sey ‘Pençe-Kilit’ nayo pa. Ma hela ke ma no name  eşnawit ma vat ganî man înan Zap de kilît bikerê û ma kilît kerdî. Ma do destûr medê ke ê tira vejîyê. Xoverdayîşêko zaf xurt yeno dayene. Senî ke mi vat ma goreyê kêmîyanê parî xo amade kerd. Xoverdayîş do dahîna xurt bo. Xoverdayîşê Zapî do ser bikewo. Ma destûr medê  tîya ra vejîyê. Ma zî name danê operasyon û hemleyanê xo la ma wayîrê ci vejîyenê. Nika rojhelatê Zapî de nameyê hemleya ma Şehîd Savaş Maraş o. Ma pîya bi embaz Savaşî xebatî kerdî. Embaz Savaş fermandaranê ma yê serkewteyan ra bi. Ma pêro embazê ke na hemle de yê ma şerwanîya ey kerd. Nameyê ey semedê ma talîmat o. Ma do bi serkêşîye û talîmatê embaz  Savaş Maraşî şer bikerê û ser bikewê. Ma nê ey rê deyndar ê.

Hela ke 17ê nîsane de hêrişan dest pêkerd, serkêşîya YJA Starî de cade cewab ame dayene. Bê cuya azade yewna rayîrê ma çîn o.  Planê ke serê gerîlayanê Kurdîstanî yenê kerdene do serkêşîya YJA Starî de bêrê xerpnayene. Kurdîstan do înan rê bibo mezel. Girê FMyî de embazê cinîyî şîyî dişmenî ser û da piro. Çekê înan serê înan ra wedaritî, sloganî eştî û vat 'tîya Kurdîstan o tira ra vejîyayîş çîn o.' Ê do şerê peyênî yê Zapî de pîman bibê.''