Endama Komeleya Huqûqnasan a seba Azadîye (OHD) ya Riha Ayşe Şehrîban Demîrel derheqê wedaritişê Peymana Îstanbulî de qisey kerd.

Ayşe Şehrîban Demîrel da zanayene ke bira betalkerdişê Peymana Îstanbulî vateyê 'kişîyayîşê cinîyan polîtîk o' reyna îsbat kerd. Demîrele ard ziwan ke na bira betalkerdişî warê huqûqî de bêhukm a û cinîyî do vera pêro metodanê hêrişî têkoşînê xo rê dewam bikerê.

Demîrele bale ante girîngîya Peymana Îstanbulî ser û vat: ''Îqtîdar xîret keno ke cinîyan komelî ra tecrîd bikero. Kerdişê îqtîdarî hîşmendîya dişmenîya cinîyan mojnenê. Îqtîdar nêwazeno cinîyî binê wayîrê vate û heqan. Îqtîdar hêz û vengê cinîyan ra terseno. Îqtîdar herinda ke Peymana Îstanbulî bîyaro ca destkewteyanê cinîyan çin hesibneno. Rixmê vervejîyayîşê ma nêmeyê şewe de peymane ameye betalkerdene. No çi cinîyî zêdêr kerdî hêrsbîyaye.Coka cinîyî herikîyayî waran û çalakîyê bi xurtî kerdî.''

Ayşe Şehrîban Demîrel peynî de wina venga cinîyan da: ''Seba wayîrvejîyayîş û pawitişê destkewteyan û heqanê xo ganî cinîyî bi xurtî têkoşîn bikerê û paştî bidê yewbînan.''