Sîyasetmedara kurde Aysele Dogana ke 11ê gulane de kanserî ra Almanya de şehîd bibî, vizêr şaristanê Dortmundî yê Almanya û şaristanê Baselî yê Swîsre de  ameye yadkerdene.

Dortmund de Komelê Demokratîkî yê Kurdan de merasîmêkê yadkerdişî ame kerdene. Merasîm bi merşê Ey Reqîbî dest pêkerd. Merasîm de nameyê YJK-E ser o Kezbane Dogan, nameyê TJK-E ser o Besîme Konca, nameyê keyeyê Aysele Dogan ser o Pinare Mansuroglu, nameyê FEDA ser o ayfere Kilinç û nameyê KOMAWî ser o Şengê Kahraman qisey kerd. 

Qiseykerdişan de ame vatene ke Aysele Dogan têkoşînê xo yê 40 serrî de heta hela peyêne pê ruhê xoverdayîşê Zapî xo ver da û ganî aye de wayîrê şehîdan bêro vejîyayene. Merasîm de sînevîzyonêk ame mojnayene û loqmayî ameyî vilakerdene.

Basel de zî serkêşîya YJK-S û KOMAWî de Merkezê Komelê Demokratîkî yê Kurdan de merasîmêk ame kerdene. Merasîm de Salis Cizîr (Hasan Bozkurt), Huseyîn Akdag (Selam Bozkur) û Ferhad Şiblî zî ameyî yadkerdene. Qiseykerdişan de ame vatene ke Aysele Dogan kesa xoverdayaxe bîye û verê dewlete de qetî milê xo çewt nêkerd. Merasîm de derheqê têkoşînê Aysele Dogan de sînevîzyonêk ame mojnayene û mesajê Murat Karayilanî yê serê şehadetê Dogane ame seyrkerdene. Merasîm pê sloganan qedîya.