Vervatoxa Meclîsê Cinîyan a HDPyî Ayşe Acar Başaran derheqê rojdem de kombîyayîşêkê çapemenîye serûber kerd.

Başarane eşkera kerd ke vîrusê Korona ra dima merdimî neçare mendî ke keyeyê xo de bimanê û şîdetê vera cinîyan se ra 90 zêdîya. Başarane vat: ''La heta nika Tirkîya de vera na rewşe tebdîr nêame girewtene. Wekîla ma Fîlîze Kerestecîoglu zaf dezgehan reyde qisey kerd û vejîya werte ke cinîyê ke asayîşê ganê înan çin o eşkenê şorê cayê mendişî yê cinîyan. Ma vînenê ke warê şîyayîşê nê cayan de meseleyî estê. Eşkera yo ke meseleya ekonomîke hetê cinîyan ra peyda bena, naye ra zî warê ekonomîkî de ganî cinîyan rê paştî bêro dayene. Zaf şaredarîyê ma û merkezê ma yê cinîyan estbî ke vera şîdet û îstîsmarê serê cinîyan xebitîyayêne. La 2 rojî verê cû qeyûmî şaredarîyanê ma rê ameyî tayînkerdene. Şaredarîya Êlihî zî tede esasê dişmanîya kurdan de des nîya 8 şaredarîyanê ma ser. Tirkîya de rojanê peyênan de qanûnê înfazî ser o munaqeşeyî yenê kerdene. Tecawuzkerî, tacîzkerî do bêrê veradayene ka bi hezaran cinîyê ke fikr û têkoşînê xo ra semed zîndan de yê. Fîgene Yuksekdag, Sebahate Tuncel, Gultene Kişanak û Sara Kaya zî tede ganî pêro embazê ma bêrê veradayene.''