Şaristanê Baselî yê Swîsre de aktîvîteya 'Hîrê Cinîyan ê Azadan' ameye kerdene ke seba vîrameyîşê Sakîne Cansiz, Fîdane Dogan û Leyla Şaylemez 7 serrî yo yena kerdene. 

Aktîvîte Merkezê Komelê Demokratîkî yê Kurdan de ameye kerdene. Verî Endama Têgêrayîşê Cinîyan ê Kurdan ê Ewropa (TJK-E) Zozane Serhat qisey kerd û ard xiwan ke 3 cinîyan ê şorişgêran zî xeta xoverdayîşî de têkoşîn kerdêne û bedelê ci da. Zozane vat: ''Sakîne Cansiz no bedel Zîndanê Amerî de vera Esat Oktay Yildirimî da. No têkoşîn ewro Rojawan û Herêmanê Pawitişî yê Meyda de dewam keno. Embazê ma seba çinkerdişê xîretê haştîye yê Rayberîye ameyî qetilkerdene. Serekkomarê Fransa soz dabi ke nê qirkerdişî roşnî bikero la hema zî nêkerd. Ewro bi mîlyonan kesî waranê têkoşînî de rayîrê nê embazan ser de şinê. Heta ke kiştoxî eşkera bibê ma do têkoşînî rê dewam bikerê.''

Aktîvîte de qala 3 cinîyan ameye kerdene û muzîk ame goşdarîkerdene. Rojnamegere Gulere Yildizî zî aktîvîte de şîîrî wendî.

Aktîvîte pê sloganê 'Cinîye, cuye, azadîye' qedîyaye.