Başûrê Kurdîstanî de 19 cinîyan şîdetî ra dinyaya xo bedilnaye
Başûrê Kurdîstanî de bîlançoya şîdetê serê cinîyan ameye eşkerakerdene. Goreyê naye di menganê peyênan de 19 cinîyan dinyaya xo bedilnaye.
Dezgehê Têkoşînê vera Şîdetê serê Cinî û Keyeyî yê Başûrê Kurdîstanî bîlançoya menganê temmuze û tebaxe eşkera kerde.
Goreyê eşkerayîye menga temmuze de 5 cinîyan xo kişt,1 cinî ameye kiştene û 3 cinîyan bedenê xo da adir ver. Reyna 14 cinîyî raştê tecawuzî ameyî û dezgehanê eleqedaran rê pêro pîya 871 gerreyî ameyî kerdene..
Menga tebexe de 3 cinîyan xo kişt, 3 cinîyî ameyî kiştene û 4 cinîyan bedenê xo da adir ver. Reyna 8 cinîyî raştê tecawuzî ameyî û dezgehanê eleqedaran rê pêro pîya 871 gerreyî ameyî kerdene.
