Fermandaranê YJA-Starî ra Batûfa Çekdar Hemleyê Şorişgêrî yê Bazanê Zagrosî û Cengê Xabûrî Stêrk TV de ercnayî.

Batûfa Çekdar destpêk de sere dde Hakî Karer, Mehmet Karasûngûr, Hozane Mİzgîne pêro şehîdê menga gulane yad kerdî. Qiseykerdişê Fermandare Batûfa Çekdar ra beşêk wina yo:

''Ez verî xoverdayîşê zîndanan ê vera tecrîdê Îmraliyî selam kena. Ganî qetî ma Rayberê xo azad bikerê. Ma sey gerîlayan çarçewa Hemleya Wextê Azadîye de xo ver danê. Şarê Kurdîstanî û Tirkîya ganî bi xurtî tewrê hemle bibê. 

Dewleta tirje Împaratorîya Osmanîyan ra nata sîyasetê qirkerdişî, îşxalî û kolonyalîzmî ana ca. Sebebê nê operasyonan tasfîyekerdişê têgêrayîşê ma yo. Bi taybetî hukmatê AKP-MHPyî sîyasetê rijnayîşê gonîye ra semed payan ser o vindeno.  Hetêkî ra operasyonê îşxalî hetêkê bînî ra zî krîzo ekonomîk dewleta tirke xîret kena ke xo tengasîye ra bixelisna. Ganî merdimî hukmatê winasênî ra çîyêk nêpawê.

Ganî ma operasyonê vera Zap, Metîna û Avaşînî sey parçeyêkê qirkerdişê vera kurdan bivînê. Dewleta tirke zimistan de Garê de bin kewte. Nika zî wazena Zap, Metîna û Avaşîn îşxal bikera. Herêmanê Pawitişî yê Medya de gerîlayî pê sîstemê binê erdî kewtî çeperan û pozîsyonêkê xurtî de yê. Nê herêmî seba gerîlayan stratejîk ê. Armancê dewlete Vakurê Kurdîstanî nê herêman ra cîya kerdiş o. Dewleta tirke wazena Qendîlî ra heta Xakûrkê, Şingalî ra heta Mûsilî û Rojawanê Kurdîstanî îşxal bikera. La a xoverdayîşê gerîlayan de rî bi rî ya. Vera gerîlayan, vera hêzanê ma astêka pîke de şikîyenê.

Dewleta tirke operasyonê Garê de derbê giranî werdî. Leşkerê nê operasyonan pê pereyî şer kenê û cergê DAÎŞî yê. Coka mergê înan xemê dewlete de nîyo. Gerîlayan 100 ra zêdêr çalakîyî kerdî, 150 leşkerî kişîyayî. Nika kontrolê şerî destê gerîlayan de yo. Rixmo ke ê gazê kîmyewî şuxilnenê nêeşkenê bikewê tunelanê ma. Çunke gerîlayî pê Hemleyanê Cengê Xabûrî û Bazanê Zagrosî bi xurtî xo ver danê. Gerîlayê ma yê YJA-Starî rayberîya nê çalakîyan kenê. Heta nika 6 embazê ma şehîd bîyî. Ma nika ra pey zî pê ruhê fedayî tewrê hemleyan bibê.

Eşkera yo ke dişmen do operasyonanê xo rê dewam bikero. Her serre dişmen vano 'ma do biqedînê' la nêeşkeno netîce bigêro. Ma pê bawer ê ke emser ma rayberîya Hemleya 'Wextê Azadîye' bi zixmî bikerê.

Armancê na hemle têna pawitişê waran nîyo, ma wazenê sîyasetê qirkerdişî yê artêşa tirke çin bikerê. Ganî ma xo vîr a nêkerê ke gerîlayî wazenê hetê xo de şarê xo bivînê. Şarê ma nê prosesê xoverdayîşê tarîxî de her ca de bi taybetî Başûrê Kurdîstanî de ganî wayîrê dewaya xo vejîyo, sere wedarno, mesuldarîyanê xo bîyaro ca. Ma venga ciwanan danê ke pê ruhê ciwanîye wa tewrê çalakîyan bibê û hemle xurt bikerê.''