Gerîlaya PKKyî Gulnaze Karataş (Bêrîtane Hêvî) 25ê teşrîna verêne ya 1992î de şerê PDK û YNKyî yê vera PKKyî de semedo ke teslîm nêba çeka xo şiknabî û xo kendalî ra eştibî war.

Serrgera şehadetê ci de derheqê Gulnaze Karataş (Bêrîtane Hêvî) de Endama Koordînasyonê Kongreya Starî yê Kantonê Efrînî Şêrîne Hesen qisey kerd.

Şêrîne destpêk de bale ante serê têkoşînê Bêrîtane û wina vat: "Ez sere de şexsê Şehîde Bêrîtane de heme pakrewan û çêran ana xo vîr. Bi rastî wexto ke merdim qala Hevale Bêrîtane keno hîrê çî yenê vîrê merdimî. Yew têkoşînê vera zihniyetê serdest ê bi serran o dewam keno û rastîyê cinî. Bêrîtane vera hişmendîya îqtîdarî têkoşîn kerd û verê xo da koyanê azadan. Aye vera ewnîyayîşê ke cinîyan rê ameybî ferzkerdene veng vet. Senîn Bêrîtane verê xo da warê azadî, her hetî ra bîye nimûneyê cuye. Çunke Bêrîtane ko xo rê sey eşq û bîyayîşî vîna û vera xeta xîyanetî vinderte.

Embaza Bêrîtane şexsê xo de xeta xîyanetî bê tesîre verdaye. Bêrîtane têkoşîn û vindertişê xo de dîyar kerd ke tu wext xîyanet Kurdistan de bi ser nêkewo û her wext xeta xoverdayîşî do bi ser bikewo.'' 

Şêrîne tewr peyîn wina vat: "Şexsê Bêrîtane û Zîlanan de ma eşkenê her hetî ra xoverdayîş bikerê. Semedo ke  şehîdê ma rastîyê cinîyan ke se serran o vet werte. Cinîyê ke şer kenê, teslîm nêbenê. Bi îrade û bîyayîşê xo awan kenê. Ma înan ra xo rê nimûne gênê. Destpêkê şorişê Rojawanê Kurdistanî ra heta nika cinîyan her ware de cayê xo girewt û sîstemê xo awan kerd. Bi taybetî zî cinîyan xoverdayîşê YPJyî yê vera çeteyê DAÎŞî de cayê xo girewt û seranserê dinya rê bîye îlham. Ma hêzê xo şehîdê xo û fikr felsefeyê Rayberê Apo ra gênê.''