Têgêrayîşê Cinîyan ê Kurdan yê Swîsre  (YJK-S) paytextê Bernî yê Swîsre de  vera qirkerdiş û tecawuzê doman û cinîyan çalakîyêke organîze kerde.

Çalakîye de sere de hêrişê leşkeranê tirkan şîdet û tecawuzê verê cinîyan ameyî şermezarkerdene. Cinîyan pankarta atêşa tirke Kurdîstan de cinîyan û domanan rê tecawuz kena û înan qetil kena akerde. Reyna dovîzê ke mesajê xurtkerdişê têkoşînî danê ameyî kiriştene û bi sloganan hêrişkarî ameyî şermezarkerdene. Qiseykerdişan de ame vetene ke nê hêrişî bi deste hukmatî yenê kerdene û nameyê cinîyanê ke qirkerdişan de ameyî mirênayêne ameyî wendene.