Vengdayîşê Haştîye û Komelê Demokratîkî yê Rayber Apoyî ser o PKKyî mabênê 5-7ê gulane de Kongreya 12ine kerdibî. Kongre de bire dîyaye ke PKK xo fesh bikero, peynîya têkoşînê çekdarî bîyaro û karanê xo biqedîno.

Kongreya 12ine ya PKKyî ya ke Herêmanê Pawitişî yê Medya de ameya kerdene, merasîmê sondwendişî de delegeyan sozê wayîrvejîyayîş û pawitişê erjanê PKKyî da.

Sozê delegeyan wina bi:

‘’Ez do bingeya xeta Apogîre de sey sosyalîstêkî/e komelêdemokratîkî biciwîya. Vera modernîteya serdestîya camêrdan û sîstemê dewletperestî ez do têkoşîn bikera. Ez do sîstemê komunî yê demokratîkî xo rê esas bikera. Mîyanê her şertî de ez do seba azadîya şarê kurdî têkoşînî pîlêr bikera. Ez do serkêşîya awankerdişê komelê demokratîkî bikera. Ez do sosyalîzmê demokratîkî û cuya azade bipawa. Ez do pêro erjanê PKKyî bîyara ca. Seba Rojhelatê Mîyanênî yê demokratîkî û dinyayêka demokratîke ez do têkoşîn bikera. Nê bingeyî ser o şeref û rûmetê xo ser o ez soz dana Rayber Apoyî, şehîdanê Kurdîstanî, şarê ma û merdimatîye.’’

Delegeyan birê kongre bi slogananê "Bijî Serok Apo", "Bi can bi xwîn em bi te re ne ey Serok", "Bê Serok jiyan nabe", "Jin, Jiyan, Azadî" û "Bijî Partiya Karkerên Kurdistanê" fîraz kerdî.