Kadroyê serkêşî yê PKKyî Ali Haytar Kaytan û Riza Altun ê ke şehadetê înan Kongreya 12. ya PKKyî de ame eşkerakerdene,  Anqara de yenê vîrardene. Vîrardiş  taxa Tuzluçayirî de  keyeyê Altunî de yeno kerdene. Fotografê Altun û Kaytanî bi vilikan ameyî xemilnayene û defterêkê vîrameyîşî zî verê ci de ame ronayene.

Vîrardiş de mesajo ke Rayber Apoyî  semedê Altun û Kaytanî şawit ame wendene. Rayber Apoyî semedê wird kadroyanê serkêşan vat ''Ê do têkoşînê  ma de tim sey rayberanê serkêşan biciwîyê û bidê cîwîyayene.''

Mesajo ke Buroyê Huqûqî yê Asrinî ra Faik Ozgur Erolî wend wina yo:

''Hemrayê erjîyayeyî,

Mi pê dejê girdî şehadetê Ali Haydar Kaytan û Riza Altunî eşnawit.

Ez do peyra semedê vîrameyîşê hemrayan erjnayîşan bikerî. Nika ez bi hurmetê xo yê pîlî hîsanê xo yê vîrameyîşî ana ziwan.

Têkoşînê ma yê estbîyayîşê neteweyî û komunalîteyê demokratîkî de cayê înan mende yo.

E do paradgîmaya dewrê neweyî û dezgehbîyayîşê ci de zî sey erjanê bigeyînan rolê xo heta peyî bîyarê ca.

Ê do têkoşînê ma di tim sey rayberanê serkêşan biciwîyê û bidê cîwîyayene.

Bi na wesîle ez qeraranê konreya 12. ya tarîxîye û mesajanê derheqê dewrê vera ma bi hurmetî selam kena.

Abdullah Ocalan

İmrali / Bursa

12.05.2025"