Serekê Pêroyî yê MHPyî Devlet Bahçelîyî bira feshkerdişî ya PKKyî ra dima Rayber Apoyî, DEM Partî û Heyetê Îmraliyî rê sipas kerd û vat: ‘’Meşale ameya tavistene. Ewro haştîye û wayûbiratîye ser kewtî, demokrasî û sîyaset ser kewtî.’’
Serekê Pêroyî yê MHPyî Devlet Bahçelîyî bira feshkerdişî ya PKKyî ra dima eşkerayîyêke daye.
Bahçelîyî vat: ‘’Komara Tirkîya wextêkê tarîxîyî de ya. Partîya ma 22yê teşrîna verêne ya 2024î ra nata qerardarîya xo naye werte, apey game nêeşte. Îmraliyî û DEM Partî zî tehdît û rîskê vera welatê ma hol fam kerdî. Ganî naye ra pey ma hîna bi baldarî têbigêrê.
No hewayê haştîye ganî mende bibo. No welat ê ma pêroyînan o. Tirk û kurdî heta peynî pîya bê. Meşale ameya tavistene. Ewro haştîye û wayûbiratîye ser kewtî, demokrasî û sîyaset ser kewtî.’’
Bahçelîyî Rayber Apoyî, DEM Partî û Heyetê Îmraliyî rê sipas kerd û Sirri Sureyya Onder zî yad kerd. Bahçelîyî vat: ‘’Lîderê ronayoxî yê PKKyî Abdullah Ocalanî rê, Heyetê Îmraliyî rê, Hemserekan, îdarekaran û wekîlanê DEM Partî rê ez sipas kena.’’
