Kadroyanê serkêşan ê  PKKyî ra Riza Altun 1945î de dewa Kuçuksobeçimenî ya Qeyserî de ame dinya. Dima ra keyeyê ci agêra Dêrsimî. Dewa 60 keyeyan a ke hetê elewîyanê ke zazakî qisey kenê ra ameye ronayene bi tirkanê avşarî pêrodayîşê erazî kerd û teberî rê qefilnaye bî. Altunî şeş serrê xo dewe de ravîyarnayî.Teberê zazakî de yewna ziwan nêeşnawit. Pîyê ci seba ke tengayîya debarî antenêne bar kerd şi Anqara û 1960 Tuzluçayir de ca da xo.

Altunî badê dibistanî heta ke 1974 de pîya bi şorişgêran dest pê têgêrayîşî kerd gureyanê rojane de xebitya. Nê demî de  keyeyê ci hetê nasnameyê û bawerîya ra tengayî antî û vera zextan xover da. Riza Altunî serranê verênan ê şorişgêrîya xo de THKOyî rê sempatî kerd. Bado ke Kemal Pir şinasna rayraşîyayîşê ci bi zelal. Dima ra Haki Karer şinasna û mîyanê Apoyîyan ê verênan de cayê xo girewt. Dima ra Rayber Apo şinasna û kewt mîyanê awanîya grûbe. Dima ra embazê xo kiriştî mîyanê na grûbe.

Riza Altunî serra 1977î de bi hemleya agêrayîşê welatî şi Dîlokî. Tîya pîya bi Haki Karer, Kemal Pir û Mustafa Karasuyî xebatî rayra berdî. Bado ke Haki Karer Dîlok de şehîd bi semedê xebetanê grûbe rayna şi Dîlokî. Ê ronayoxê verênî yê tradîsyonê Apoyî bî. Kurdîstan geme bi game gêrayî ke vera rind û raştî rayra şirê. Ca û mekan bedilyayenî la waştiş mende bi. Hemrayê ci na rey Cemil Bayik bi. Xarpêt de pîya bi Cemil Bayikî xebate rayra berd ke qoqanê ci ra dahîna nizdî bi. Nîsana 1978î de gama ke Anqara şîyênî Amedî nizdê Riha de qezaya trafîkî qewimîya, birîndar bi û xeylê wextî detavî dîye. Badê tedawî Agêra Dîlokî û destpê falîyetî kerd û dima ra verê xo Riha. Tîya zî pîya bi Mehmet Karasungurî rolê muhîmî girewtî xo ser.

1979 de badê îxanetê Şahin Donmezî sey kadroyanê serkêşan  Mazlum Dogan û Hayri Durmuşî o zî Riha de ame esîrgirewtene û ame berdene Zîndanê Dîyarbekirî. Heta 1991 zîndan de mend û bi sembolanê xoverdayîşî ra yew. Riza Altun 1992 de gama ke zîndanî ra vejîya , pîya bi Mustafa Karasuyî verê xo da warê Rayberîye.  Dima ra bitaybetî Rojhelatê Kurdîstanî û warê Rojhelatê Mîyanênî de falîyetê dîplomasî reyra berdî û waranê gerîlayan de mend.

Altunê ke heta 2001 waranê cîya cîyayan ê Kurdîstanî de mend Kongreya 6. ya PKKyî ke wextê prosesê komployê vera Rayber Apoyî de ame kerdene, rolo muhîm girewt, dima verê xo da warê Ewropa. Tîya xebatê muhîmî rayra berdî. Altun 2007 de reyna agêra Kurdîstanî. Riza Altunê ke xebatê perwerdeyî û dîplomasîyî rayra berêne 25ê êlula 2019î de şehîd bi.

Mekan bedilyeno waştiş mende yo. Riza Altuno ke cuya ci bi surgunê mecburî dest pêkerde û peyra bi waştişê ci açarîya koçerîye dûraxa ci ya peyêne koyê Kurdîstanî bî ke sey cuya tewr bimana pênas kerdêne.  Her cayo ke tira gêra û her keso ke tede qisey kerd, serê înan de reçê xo verdayî.