Vervatoxê Karanê Teberî yê Yewîya Ewropa  Anouar El Anouniyî bi eşkerayîyêke derheqê biranê Kongreya PKKyî de vat: ‘’Yewîya Ewropa wina fikirîyena ke xofeshkerdişê PKKyî destpêkerdişê prosesêkê haştîye û seba çareserîya mende gamêka pozîtîf a.’’

Vervatoxa sîyasetê zereyî ya Partîya Keske ya Almanya Lamya Kaddor vat: ‘’Xofeskerdişê PKKyî û qedînayîşê şerê çekdarî do bi haştîyane çareser bibê û hêvîya destvistişê heqanê xo ya kurdan bizêdînê. No averşîyayîş seba Sûrîye zî agahîyêka baş a.’’

Partîyanê Almanya ra Die Linke hesabê xo yê Xî de eşkerayîya wekîla xo Cansu Ozdemîr pare kerd. Mesajê Die Linke zî wina yo: ‘’PKKyî gamêka zehmete eşte û berê haştîye akerd. Ganî no proses mîyanê şertanê têdûştan de bêro îdarekerdene. Coka ganî Abdullah Ocalan vera bidîyo, pêro tepişteyê sîyasîyî vera bidîyê û artêşa tirke şîdetê xo ra fek vera bida.’’