Endama Konseya Serekîya Pêroyî ya KCKyî Sozdare Avesta bale ante girîngîya têkoşînê 52 serrî ser û vat: ‘’Rayber Apoyî vat ke ‘Ez tîya de sey sosyalîstî ciwîyena.’ Netîcegirewtişo pîl bi cuya sosyalîste mumkîn o.’’
Kongreya PKKyî ya tarîxîye mabênê 5-7ê gulane de, bi beşdarîya 232 delegeyan bi serkewtişî Herêmanê Pawitişî yê Medya de ameye kerdene.
Endama Konseya Serekîya Pêroyî ya KCKyî Sozdare Avesta kongre de wina qisey kerd:
‘’Ez hêverî Rayber Apoyî bi heskerdiş, rêz û hesrete selam kena. Ez pêro şehîdanê ma yad kena.
Têgêrayîşê azadîye wextê têkoşînê çekdarî ra nata Herêmanê Pawitişî yê Medya de têkoşînê xo vist kewe. Şarê ma seba ke Rayber Apoyî ra xebere bigêro hemleyêka xurte kerde û netîceya ney de Rayber Apoyî de têkilîye ronîyaye.
PKKyî şorişê pîlî yê verênî kerdî. Rayber Apoyî artêşa cinîyan naye ro, sosyalîzm, têdûştîye û demokrasî tena qisey de ney pratîk de zî ardî ca. Ey têkoşînê cinîyan sey krîterêk aver berd. Rayber Apoyî têkoşînêko çekdar o winayên aver berd ke tede cinîyan serkêşîye kerde û bi xo artêşêke awan kerde. Rayber Apoyî 1993 de artêşa cinîyan naye ro.
Rayber Apoyî vat ke ‘Ez tîya de sey sosyalîstî ciwîyena.’ Netîcegirewtişo pîl bi cuya sosyalîste mumkîn o. Nika wextê ci ameyo ke fikrêko pîl bêro rêxistinkerdene. Pêro fikrê pîlî wextêkî ra dima ameyî vilakerdene. Ez vana ke ez amade ya. Wexto ke fikrê Apogîrî vila bîyêne ma welatê xo ra abirîyabî.
Apogîrîye yena manaya embazîya duriste, aktîfe û raştikêne. Pêro xîret û tewirê mi naye ra pey zî do seba bîyayîşê na embaze bibê. Ez huzurê embazan û şehîdan de deynê xo yê şehîdan milanê xo de hîs kena, seba ke ez înan rê biba embazêka raştikêne tewir û rayraşîyayîşê goreyê ney bikera. Ez do pratîk de nê sozê xo bîyarê ca.’’
