Vizêr Mehkemeya Îdarî ya Berze de roniştişê dewaya vera betalkerdişê Peymana Îstanbulî ame kerdene. Roniştişî ra dima cinîyan eşkerayîye daye çapemenîye û pankarta 'Peymana Îstanbulî yê ma ya, ma tira fek vera medê' akerde.

Verî Sereka Platformê Têdûştîya SEba Cinîyan (EŞÎK) Berrîne Sonmez qisey kerd û ard ziwan ke Serekkomarîya ke bira betalkerdişê peymane dabî, pawitişê xo de vat ke 'Ma bire daye şi.' Sonmeze îfade kerd ke ê nê pawitişî qebul nêkenê.

Avûkate Yelda Koçak zî da zanayene ke roniştiş de cewab nêdîya sebebê betalkerdişê peymane. Koçake vat: ''Peymana Îstanbulî têna dewaya cinîyan nîya. Ma do cigêrayîşê edaletî rê dewam bikerê.''

Endama Heyetê Rayberdişî yê KESKî Zeynepe Korkmaz vat: ''Ma têna pawitişê Peymana Îstanbulî nê pawitişê huqûqî zî kenê. Ma do her ca de waran de bibê. Ma do Peymana Îstanbulî ra fek vera medê.''

Eşkerayîye bi sloganan qedîyaye.