Dewaya ke Meclîsê Cinîyan ê HDPyî û rêxistinanê cinîyan vera betalkerdişê Peymana Îstanbulî akerda, Mehkemeya Şêwirmendîye de yena kerdene. Nameyê Meclîsê Cinîyan ser o Hemsereka HDPyî Pervîne Buldan do pawitiş bikera.

Roniştişê dewa hetê Buldane, Vervatoxa Meclîsê Cinîyan Ayşe Acar Başaran, Hetkara Sereka Kome Merale Daniş Beştaş, wekîlê cinîyî û endamê Meclîsê Cinîyan ra ameyî teqîbkerdene.

Buldane roniştişî ra verî verê mehkeme de eşkerayîye daye û pare kerd ke Peymana Îstanbulî peymana winasêne nîya ke pê vateyêkê camêrdî şewêke de bêra wedarietene. Buldane vat: ''Ewro Tirkîya de cinîyî raştê şîdetî yenê, yenê qirkerdene. Ma bira betalkerdişê Peymana Îstanbulî qebul nêkenê. Ma her ca de do Peymana Îstanbulî bipawê. Ma do qetî na bêhuqûqîye qebul nêkerê û pîya nê prosesî teqîb bikerê. Ma do têkoşînê xo rê bê tawîzan dewam bikerê.''