Zeynepe Celalîyana ke bi îdîaya endamîyaa Partîya Cuya Azade ya Rojhelatê Kurdîstanî (PJAK) ya 14 serrî yo zîndanê Îranî de yena tepiştene, tira 516 rojî yo xebere nîna girewtene.

Merdimê ci semedê Zeynepe Celalîyana ke rewşa weşîya ci xidar a, qesawet kenê. Seba ke Celalîyan têdima yena surgunkerdene îşkenceyê vera ci giranêr beno. Tewr peynî  de verê 7 mengan Zîndanê Yezdî ra surgunê Zîndanê Kirmaşan bibî dima reyna surgunê Yezdî bîye û a roje ra nata tira xebere nîna girewtene. Merdimê ci û aktîvîstê heqanê merdiman wazenê ke helêke verê cu  Celalîyan dir pêvînayîş bêro kerdene.