CFWIJ: Emser 44 rojnamegerê cinîyî raştê hêrişê polîsan ameyî
Koalîsyonê Cinîyan ê Rojnamegerîye da zanayene ke Tirkîya de serra 2021î de 44 rojnamegerê cinîyî raştê hêrişanê polîsan ameyî.
Koalîsyonê Cinîyan ê Rojnamegerîye (CFWIJ) roja Azadîya Çapemenîye uya 24ê Temmuze de mesajêkê bi vîdeoyî weşana.
Mesajo ke medyaya dîjîtale ser o ame vilakerdene wina yo: ''Têna Tirkîya de serra 2021î de ma 44 serebûtê hêrişê fîzîkî yê polîsan ê vera cinîyan kom kerdî.''
CFWIJyî eşkera kerd ke na rewşe qesawetan zêdînena.
