Serra 1985î de qezaya Dîgorî ya Qersî de Serhed de rojêka serde Vahîde Çalkendîr yena dinya. Vahîde 1993 de bena şahîda Serewedaritişê Dîgorî. Kekê ci Turan Çalkendir (Serdar) 1994 de tewrê gerîlayan beno. Bi nê hawayî Vahîde zî Têgêrayîşê Azadîye yê Kurdan nêzdî ra şinasnena.

Êlula 2007î de zî Vahîde ver bi koyan şina û bena Vîyane Çîya. Kokê Vîyane û raştîya PKKyî wexto ke benê yew tira milîtanêka pîle vejîyena werte. A hînî koyan zerrîya xo de weye kena û xo newe ra afernena. Awirê ci hînî sey awirê bazêkî bîyî. Zerrîya Vîyane pê adirê têkoşînî kelîyayêne.

Hêverî 2009 de Vîyane Rojhelatê Kurdîstanî de wezîfe kena û dima uca ra derbazê Şahoyî bena. Şaho Zagrosê Rojhelatê Kurdîstanî yo. Vîyane zî sey Şahoyî bena gerîlayêka xidare û serewedarnayoxe. Vîyane tîya de pratîkê zehmetî ana ca. A bi serran Şaho û Kosalanê Rojhelatê Kurdîstanî de pratîk kena.

A Şaho de bena wayîra tecrrubeyî. Reyna wezîfeyêkê zehmetî ra dima wexto ke embazê ci aresîyayêne Vîyane serê înan de pawitêne. Hêzanê dişmenî noqtaya gerîlayan keşf kerde la sayê hîsgerîya Vîyane de gerîlayan xîretê dişmenî pûç kerd. 

Aye pêro waran de embazanê xo rê zaf tesîr kerd. Aye embazîya PKKyî sey 'Embazîye embazîya Rayberîye, Sara, Mazlûm û Zîlane ya. ' A pê heskerdişê pîlî perwera embazanê xo bîye. A Şaho de bîye vengê qesasî yê şarê xo. Vera dişmebî de bîye cinîyêka kurde ya çêre. Aye koyanê azadan de deyîra serewedartoxan vate.

Vîyana awirbaze hînî waştêne derbazê Vakurê Kurdîstanî biba û rayraşîyayîşo derg da destpêkerdene. No rayraşîyayîşê qesasî bi. Hewteyan ra dima a resaye koyanê Xerzanî. A koyanê Xerzanî de bena layîqa sondanê xo. Wexto ke a şîyêne Xerzan vatêne 'Ez şina ke biba cewabê hêsiranê dadî û domanan.' Aye sey bazêkî tim xîret kerd ke tewra çalakîyan biba.

28ê hezîrana 2018î de koyê Xerzanî bîyî şahîdê govenda azadîye ya Vîyane û 6 embazanê ci. Dişmen nêeşka xoverdayîşê gerîlayan bişikno û bi seyan îşxalkerî kişîyabîyî. Îşxalkeran dima pê SÎHAyan gerîlayî dayî bombayan ver. Nê bombardumanî de Vîyane û 6 embazê ci benê bêmerg. 28ê hezîrane sey roja şehadeta cinîya awirbaze tarîx de ca gêno.