Vengdayîşê Meclîsê Cinîyan ê Partîya Newera Ronayîşê Sosyalîstî (SYKP) ser o şaristanê Baselî yê Swêdî de cinîyan betalkerdişê Peymana Îstanbulî yê Tirkîya û qirkerdişê cinîyan pê çalakîye şermezar kerdî.

Çalakîye de posterê Denîze Poyraza ke bînaya HDPyî ya Îzmîrî de amebî qetikerdene, ameyî berzkerdene. 

Cinîyan ard ziwan ke heta ke dewleta tirke bira betalkerdişê peymane ra anêgêra ê do waran de bibê. Çalakîye de venga dewleta Swêdî ame dayene ke hukmanê Peymana Îstanbulî bîyara ca.

Cinîyan bale ante ser ke destpêkê serre ra nata bi desan cinîyî ameyî qetilkerdene û bale ameye antene şîdetê zereyê keyeyî ser. Çalakîye pê slogananê 'cinîye, cuye, azadîye' qedîyaye.